Vi søker no Operasjonell leiar/COO som skal ta ansvar for å styrke Østerbø Solutions sine interne prosessar og bidra til berekraftig vekst.

Østerbø Solutions har snart 50 års erfaring frå mellom anna nasjonale leveransar av reservekraft og rørsystem, og er betydeleg regional aktør på elektro og automasjon. Vi er stolte over å levere litande løysingar til kundar innan akvakultur, industri og det offentlege.

Selskapet har i dag ca 65 tilsette med sterk fleirfagleg kompetanse, aktive eigarar og ambisiøse vekstambisjonar. Vi har hovudkontor på Østerbø og avdelingar på Frekhaug, Mongstad og Sløvåg. Velkommen med på laget!

Om rolla:

Som ny operasjonell leiar blir du ei sentral drivkraft for vidare vekst og utvikling i Østerbø Solutions. Det trengst ein leiar som kan balansere strategi med praktisk gjennomføring og sikre gode, framtidsretta løysingar for selskapet.

Som COO får du det overordna ansvaret for drift og utvikling av interne prosessar. Du blir del av leiargruppa i selskapet og jobbar tett med administrerande direktør for å sikre at vi er rusta for vidare vekst. Du vil ha spesielt fokus på KHMS og berekraft, IT-system og digitalisering, samt finansielle styringsverktøy.

Ansvarsområda dine:

KHMS og berekraft:

· Sikre gode rutinar for kvalitet, helse, miljø og sikkerheit.

· Sørge for etterleving av relevante lover og forskrifter.

· Styrke miljøprofilen og ESG-rapporteringa.

IT-system og digitalisering:

· Forbetre og implementere effektive IT-løysingar.

· Sikre sømløs dataflyt og optimalisering av system.

· Drive digital transformasjon for betre prosjektstyring og drift.

Finansielle verktøy og strategisk utvikling:

· Bidra til økonomistyring, budsjettering og kostnadskontroll.

· Analysere data for strategiske avgjerder.

· Støtte vekststrategiar gjennom strukturert økonomisk planlegging.

Kven ser vi etter?

· Ein strukturert og handlekraftig leiar med strategisk forståing.

· Erfaring frå operasjonell drift, gjerne innan teknisk eller industriell sektor.

· Teknologiforståing og interesse for digitalisering.

· Evne til å drive forbetringsprosessar og implementere nye løysingar.

· God relasjonsbyggar som skaper engasjement og eigarskap i organisasjonen.

Kva kan vi tilby?

· Ei nøkkelrolle i ei framtidsretta og innovativ bedrift.

· Store moglegheiter til å sette retning og ansvar for sentrale forbetringsområde.

· Konkurransedyktige vilkår og eit engasjert arbeidsmiljø.

Har vi nettopp beskrive deg? Bli ein del av Østerbø – ein av Norges leiande leverandørar av reservekraftløysingar!

Send oss ein søknad eller ta kontakt for ein uforpliktande prat, snarast!

Kontakt rådgjevaren vår hos Visere AS; Anita Mannes på telefon: 917 22 005.

Østerbø Solutions – litande løysing