Førde Sementvare AS er ei lokal og solid industriverksemd med lange tradisjonar innan produksjon av betong. Vi leverer kvalitetsprodukt til både private og profesjonelle kundar, og er ein viktig aktør i regionen. Vi har omlag 75 ansatte.

Gjennom høg fagkompetanse, moderne produksjon og sterk lokal forankring bidreg vi til utvikling og verdiskaping i Sunnfjord og på Vestlandet.

Vi er eit konsern med ambisjonar for vidare vekst og utvikling, og legg stor vekt på kvalitet, berekraft og langsiktig forretningsdrift. Hjå oss jobbar engasjerte medarbeidarar som er stolte av faget sitt og av verksemda dei er ein del av.

Operativ leiar – Førde Sementvare AS

Vil du leie produksjon og leveranse i eit av Sunnfjord sine mest solide industrikonsern?

Førde Sementvare AS er ei veletablert industriverksemd med lange tradisjonar innan produksjon av betong til bygg- og anleggsmarknaden. Vi er ein viktig leverandør i regionen og står framfor ei spennande utviklingsfase med vidare profesjonalisering, vekst og effektivisering.

No søkjer vi ein operativ leiar som vil ta heilskapleg ansvar for produksjon og leveranse – og som ønskjer å setje retning, skape struktur og levere resultat.

Ei nøkkelrolle i konsernet

Som operativ leiar får du ansvar for den største avdelinga i selskapet, med verksemd på to lokasjonar – Førde og Loen. Du leier heile den operative verdikjeda, frå elementproduksjon til ferdig leveranse hos kunde.

Dette er rolla for deg som trivst tett på drift, folk og produksjon – og som vil kombinere leiing, teknisk forståing og kontinuerleg forbetring.

Dine ansvarsområde:

• Overordna ansvar for operativ drift: elementproduksjon, transport, montasje, lager og logistikk

• Sikre effektiv, strømlinjeforma og føreseieleg drift med høg kvalitet, god HMS og kontinuerleg forbetring

• Kostnads-, budsjett- og personalansvar for den operative eininga

• Kapasitetsplanlegging og optimal ressursutnytting i samspel med prosjekteiningane og teamleiarar

• Leie og utvikle kultur og medarbeidarar i den operative organisasjonen

• Ansvar for HMS, kvalitetssystem og internkontroll

• Sørgje for god samhandling, planlegging og informasjonsflyt mellom lokasjonar, drift og kundeprosjekt

• Sikre at Førde Sementvare er leiande på produksjon og leveranse til kunde

Vi ser etter deg som er: 

Ein trygg og strukturert leiar med sterk operasjonell forståing og evne til å byggje gode lag. Du har:

• Erfaring frå leiing i produksjons-, industri- eller driftsorganisasjonar

• God forståing for drift og produksjon som kostnadseining og samspel med prosjekt og marknad

• Evne til å arbeide systematisk med effektivisering, planlegging, ressursutnytting og forbetring

• God økonomiforståing

• Erfaring med HMS- og kvalitetsarbeid

• Gode relasjonelle ferdigheiter og evne til å få folk med, skape tillit og engasjement

• Liker å drive innovasjon og utvikle prosessar ved bruk av digitale verktøy

• Høgare utdanning innan bygg- eller ingeniørfag er ein fordel

Personlege eigenskapar og motivasjon kan vege opp for manglande formell utdanning eller erfaring – vi oppmodar deg til å søkje stillinga.

Kvifor Førde Sementvare AS?

• Ei sentral og operativ leiarrolle i eit konsern med tydelege vekstambisjonar

• Leiarstilling i eitt av Sunnfjord sine største privateigde selskap

• Stor påverknad på vidare utvikling av drift, struktur, innovasjon og arbeidsmåtar

• sterkt fagmiljø med dyktige og engasjerte kollegaer

• Konkurransedyktige vilkår og gode utviklingsmoglegheiter

Stillinga rapporterer til dagleg leiar i verksemda.

Synest du dette høyrest spennande og interessant ut, ta kontakt med Jon Gjerde i Visere på tlf. 958 44 394 / jon.gjerde@visere.no. Om du ønskjer det, kan vi i første omgang halde namnet ditt konfidensielt overfor oppdragsgivar.

Vi ser fram til å høyre frå deg snarast eller innan 15.02. Gå inn på visere.no og legg inn søknad og CV.