Fjord1 er Noregs leiande ferjeselskap og ein sentral aktør i det grøne skiftet innan transportsektoren. Vi kombinerer lange maritime tradisjonar med modernisering, teknologi og framtidsretta drift. No søkjer vi ein prosjektingeniør med ansvar for utvikling, oppfølging og oppdatering av vedlikehaldssystemet for våre fartøy. Du blir ein del av teknisk fagmiljø i Florø, og vil samarbeide tett med tekniske inspektørar, fartøy, innkjøp, drift og eksterne leverandørar. Rolla krev god systemforståing, struktur og teknisk innsikt - og passar godt for deg som ønskjer å utvikle deg vidare i ei rolle tett på fartøy, men med arbeidsstad på land.

Som prosjektingeniør innan vedlikehald vil du støtte og bidra i arbeidet med oppdatering og vidareutvikling av vedlikehaldssystemet vårt. Du får ansvar for jobbstrukturar for planlagt og korrektivt vedlikehald, samt komponentdatabasar, dokumentasjon og koordinering. Du vil vere involvert i førebuing, gjennomføring og oppfølging av tekniske aktivitetar, og får innsikt i operativ drift og fartøystruktur, med høve til å jobbe tett på både fartøy og fagmiljø.

Du vil òg få ei viktig rolle i å bidra til vidareutvikling og optimal bruk av vedlikehaldssystemet, inkludert støtte og opplæring til brukarar, og oppfølging av kvalitet og struktur i systemet.

Dine ansvarsområder

• Utvikle og vedlikehalde selskapet sitt vedlikehaldssystem
• Samhandling med leverandørar, verft og interne fagmiljø
• Bidra til struktur, forbetring og dokumentasjon i tekniske prosessar
• Systemstøtte til mannskap og tekniske inspektørar
• Oppfølging av bestillingar, dokumentasjon og logistikk i samband med vårt felleslager i Florø
• Bidra til planlegging og koordinering av klassing og dokking

Kven ser vi etter?

Vi ser etter deg som har teknisk forståing, jobbar strukturert og trivst med å bidra i tekniske prosessar og prosjekt. Du ønskjer å utvikle deg vidare i eit praktisk og samarbeidsretta miljø, og har interesse for dokumentasjon og detaljstyring knytt til prosess og tekniske system.

Vi trur du har:

• Teknisk driftserfaring frå ferje, offshore, verft, rederi eller annan teknisk bakgrunn
• Ingeniør- eller fagskuleutdanning innan tekniske eller maritime fag - også nyutdanna vil bli vurderte
• Erfaring frå planlegging, koordinering eller dokumentasjon i tekniske miljø

Du må kunne arbeide sjølvstendig og strukturert, og vere komfortabel med noko reiseaktivitet og fysisk tilstadesværelse ved fartøy og verft.

Dette får du hos oss

• Ei utviklingsrolle i teknisk fagmiljø i Noregs leiande ferjeselskap
• Varierte oppgåver med innblikk i operativ drift og vedlikehald
• Moglegheit til å jobbe tett med både fagmiljø og fartøy
• Ein arbeidsgivar med sterk miljøprofil og framtidsretta teknologi

Eit mannskap for alle

Vi veit at eit mangfald av perspektiv og erfaringar gjer oss sterkare. Vi ønskjer kollegaer med ulike bakgrunnar, kompetansar og livserfaringar, og vi oppmodar alle kvalifiserte kandidatar til å søkje. Våre kontorlokaler er universelt utforma, slik at du kan trivast og jobbe godt uavhengig av behov eller funksjonsevne. Her hos oss handlar det om kva du kan bidra med, ikkje kvar du kjem frå.

Vil du vite meir?

Ta kontakt med:
Asbjørn Grini – 917 94 825 – asbjorn@visere.no
Daniel Klakegg Dvergsdal – 904 79 470 – daniel@visere.no

Søknadar vert handsama fortløpande.

Om Fjord1
Fjord1 er Noregs leiande ferjeselskap og ein pådrivar i den grøne omstillinga av maritim transport. Vi har ei topp moderne flåte og satsar på verdsleiande teknologi med nullutslepp og ny infrastruktur som sentrale fokusområde. Gjennom kontinuerleg utvikling av både nye og eksisterande fartøy bidreg vi til å forme framtida for kollektivtransport langs norskekysten.

Fjord1 er ein stor kompetansearbeidsplass, både på land og til sjøs, med eit breitt spekter av stillingar innan blant anna operativ drift, teknologi, innovasjon og miljø. Vi ser stadig etter nye medarbeidarar med relevant kompetanse og legg stor vekt på å utvikle eigne tilsette gjennom målretta kompetansebygging og interne karrieremoglegheiter.

Med kontor i Florø, Bergen og Molde, og over 1100 tilsette, tilbyr vi ein variert og meiningsfylt arbeidskvardag i eit framoverlent selskap, med store ambisjonar for framtida.