Eiksenteret Førde søkjer ein erfaren og trygg verksmeister med klar forståing for drift, kapasitet, kvalitet og struktur. I denne rolla får du det operative ansvaret for verkstaden – med leiaransvar for teamet, tydelege prioriteringar og kontroll på at arbeidet blir planlagt og gjennomført med høg fagleg standard.

Som verksmester blir du ein nøkkelperson i drifta og sørgjer for god arbeidsflyt, rett prioritering og kvalitet i alle ledd. Dette er ei stilling for deg som trivst med praktisk leiing, tett samarbeid med teamet, i eit miljø der fagleg presisjon og kvalitet er avgjerande.

Stillinga har fagleg ansvar for fire mekanikarar, og rapporterar til dagleg leiar.

Dine ansvarsområde
I denne rolla har du det operative ansvaret for verkstaden og den daglege oppfølginga av mekanikarane. Du sikrar god framdrift, god kundekommunikasjon og eit profesjonelt fagmiljø som leverer på høgt nivå.

Du vil blant anna ha ansvar for:

• Leiing og koordinering av mekanikarane sin arbeidskvardag
• Kapasitetsplanlegging og prioritering av arbeidsoppdrag
• Kvalitetssikring av arbeid og rutinar
• Kundedialog og oppfølging av service- og reparasjonsoppdrag
• Internkommunikasjon og koordinasjon mellom verkstad og sal 
  
• HMS-arbeid og kvalitetskontroll på verkstaden
• Fagleg utvikling, kursing og oppfølging av teamet
• Tett samarbeid med delelager og butikk for god vareflyt og kundehandsaming
• Rapportering til dagleg leiar og bidrag i driftsmessige vurderingar

Sentrale arbeidsoppgåver

• Fordele og planlegge oppdrag mellom mekanikarane
• Sikre god dialog med kundar – både før, under og etter oppdrag
• Følgje opp servicehistorikk, garantiar og reklamasjonar
• Rapportering til AGCO, og taksering av skadar og reperasjonar til forsikringsselskap
• Bidra til effektiv drift med gode rutinar og struktur
• Koordinere delebestillingar i samarbeid med delelager ved behov
• Sikre at verkstaden leverer arbeid av høg kvalitet gjennom klare rutinar for kontroll og godkjenning
• Bidra aktivt til eit triveleg og profesjonelt arbeidsmiljø

Kvifor Eiksenteret i Førde?

Hos oss blir du del av ei etablert verksemd med lokal eigarskap, stort engasjement og korte beslutningslinjer. Du får påverke kvardagen til eit sterkt fagmiljø og utvikle både verkstaddrift og menneska som jobbar her.

Vi tilbyr:

• Høve til å forme verkstaden vidare i lag med erfarne kollegaer
• Strukturert opplæring og fagleg utvikling gjennom AGCO Academy
• Kurs og kompetanseheving hos blant anna Fendt i Tyskland og Massey Ferguson i Frankrike
• Eit uformelt og jordnært arbeidsmiljø med høg fagleg stoltheit
• Konkurransedyktige vilkår og ordna arbeidstilhøve

Hos Eiksenteret i Førde får du ein arbeidsplass med kvalitet i botn – og handlingsrom til å utvikle verkstaden vidare saman med oss.

Lyst til å ta ein prat om stillinga?

Ta kontakt:
Daniel Klakegg Dvergsdal – 904 79 470 / daniel@visere.no

Vi ser fram til å motta din søknad og CV.

Alle søknadar vert behandla fortløpande.

OM EIKSENTERET FØRDE

Eiksenteret Førde vart starta i 1986 og har i dag 10 tilsette, med ei omsetning på ca 70 mill. årleg. Eiksenteret er ein del av ei landsdekkande franchisekjede der Eikmaskin AS er kjedegiver og importør.

Eik-kjeden består av 30 sjølvstendige selskap som med sine underavdelingar er representert på 46 stader i Norge. Vårt produktspekter er kjende merkevarer; Massey Ferguson, Fendt, Ålø, Grimme, HE-VA, Junkkari, Dalen, Amazone og Tellefsdal - I tillegg til eit omfattande butikk og rekvisitautval til landbruk- og anleggsbransjen.